ما تخبيش ...الأعلامى الشاعر ( عونى هشام ) ...المسابقة الـــأدبية الشهرية الكبـــرى

بالورد جئنا نهنى ..
وننثر عبير الزهور ..
وبالفرح نغنى ..
وبالبشرى نلف وندور ..
وبالخير له نتمنى ..
ودايماً سعيد مسرور ..
...................................
يسرنا نحن إدارة رابطة عزف الأقلام العربية أن نمنح الأعلامى الشاعر ( عونى هشام )
شهادة المركز الأول مكرر ..
لفوزه فى مسابقتنا الأدبية الكبري فئة ( الشعر العامى )
وتمنياتنا له بدوام التفوق والإبداع ..
..
..

خاص بالمسابقه شعر عاميه
===============
ما تخبيش
======== عونى هشام
ياريت قولى
وماتخبيش
عايز اسمع
مابترديش
انا التعبان من يومى
وزاد يومى
رغيف العيش
-------------
انا
رميت نفسى
فى أحضانك بتغطيش
أسيت المر فى همومك
وما يغنيش
عزفت باسمك الحانى
وانا الجانى
ويوم جيتلك مدافعتيشً
---------------
انا
انا السارح مع الرايح
مونسنيش
انا الراجع مع الجائع
ماشبعتيش
انا الظالم انا المظلوم
أنا الشبعان أنا المحروم
أنا حبك دخل قلبى
ومهما تعاندى ما يحوشنيش
---------------------
انا
أنا عاطل انا باطل
أنا مجنون انا عاقل
انا سواح
فى أرض بلادى كالدراويش
-------------------
انا
انا النخله انا الخضره
أنا النبته اللى فى التربه
سمار غيرك ما يشبهنيش
-----------------
انا
انا انتى
سمارى ونيلى وسفنتى
أنا قمرك أنا ثمرك
وغير شمسك مابيدفيش
-------------------
انا أنا انتى
وانتى الأصل
تعيشى يا مصر
---------------
شكيت حالى فى أحضانك
وبرضه مفيش
عشايا النوم وطول اليوم
حارس أرضك ومتخافيش
------------------
ولو جنه فى بلاد تانيه
وغير بلدى ما ينفعنيش
عشان عايش بيكى الثانيه
ولو ثانيه عينى رمشت
اقول للوقت ماتعديش
-----------------
انا مصرى انا عصرى
وحبك فى القلوب حصرى
وغير حبك مايلزمنيش
عشان حبك هنا صافى
مياه نيلك دواء كافى
تراب ارضك على اكتافى
وبشرة ناسك السمره
ادوب فيها ومعاها اعيش
------------------
وماتقليش بحبها ليه
دا رب الكون حاميها
بعين المولى راعيها
امان والامن دا فيها
وبعد دا كله تسألنى
متسألنيش
----------------
ومهما كنت انا الأسى
خيرك برضه مش ناسى
أغنيلك بإحساسى
واعلى الصوت
اكتب فى الرايات اسمك
وارسم ع الجبين رسمك
ولابنك برض ما بتنسيش
عشان انتى
عظيمه يا مصر
===========

اول مكرر ( عونى هشام )

— ‏مع ‏عوني هشام شاعر واعلامى‏.‏