اتنطرك لحظة لحظة واكتبلك...
وبفارغ الصبر اتنطر جوابك...
ها قره ها بعده وشوكت يجي...
يمته أشوفه واگوله طول غيابك...
يالبعدهم كلهم مجرمة آني صدك...
لأني أخذت گلبك دون احبابك...
ومسعدة آني لأني من دون الخلگ...
آني اللي تفكر بيه وشغلت بالك...
چنت أتمنى نظل سوية طول العمر...
تغير حالي ودنيتي وأغير حالك...
وبنص الدرب عفتني ليش بيا ذنب...
شنو الصدر مني گولي وياي شمالك...
يا ترى تغير گلبك علي وتغيرت...
لو بطلت تحبني گولي شنو الجرالك...
لو بس تريحني وتگولي الغيرك...
أبطل بعد عن كلامك وحتى سؤالك...
ما أذكر سويت ذنب وياك فد يوم...
وإذا اذنبت أتحمل لومك وعتابك...
بس تبقى هيچ ساكت ما اتحملها...
وافسرها غير تفسير ما يجي ببالك...
.....................................................هدير
ليست هناك تعليقات:
إرسال تعليق