" يا ابن العرب "... ضياء الادريسي....المسابقة الــأدبية الشهرية الكبرى

ابن البلد ..
حروفُه جميلة ..
جريئة شقية ..
الكلمة تخرج منه ..
كأنها أغنية ..
يسرنا ويشرفنا ويسعدنا نحن ( إدارة رابطة عزف الأقلام العربية )
أن نمنح الأستاذ الشاعر ( ضياء الأدريسي )
شهادة المركز الثانى فى مسابقتنا الأدبية الكبري ..
فئة ( الشعر العامى )
ونتمنى له مزيدً من الإبداع والتفوق ..

" يا ابن العرب "

الى " ابن العرب "

بزعل أوي لما افتكر
إن السكوت = أكبر خطر
إن الخيانة بتتغفر
والحد موت
أصبح عقاب الكلمه نار
اصبح شعار
الخوف سلام
من غير ادلة الإتهام
السحر واصل للبيوت
يونس فى حوت
الذنب والسبت وقرود
اما الردود
الصمت عم
لما النضال اصبح مهم
الدم دم
وهم غم
وزاد كمان الران وحان
موعد اذان شيطان همان
فرعون جبان
والجبن فى الراجل مرض
فلنفترض
الحق غاب
ازاي يموت !!!
أين الشهود
فين العروسه يا عريس
جاتلك جمالها ما يتوصف
رجعت ولونها بيتخطف
شافت عذاب شافت قرف
ركعت فى دارك للخسيس
ابليس كمان اكبر جبان
والدخلة كانت يوم خميس
الضرب فى الميت حرام
حتى الكلام اصبح رخيص

ادم بذات نفسه عصا
والشهوة في طبع البشر
الدرس مش فى المدرسه
طول الطريق ح نشوف عبر
ح نشوف قارون
وهارون رشيد
ح نشوف حروب دا كلام أكيد
بين التسيد والعبيد
بين سود وبيض
الجهل منهج للبليد
بزعل على حال الشهيد
النصر بين دم الوريد
لكن مازل هم ف ‫#‏حلب‬
بسأل ومين المستفيد
من قتل أولاد العرب
لما السكوت اصبح شعار
ح نطيع قرار المغتصب

بزعل اوووي لما افتكر
" الأقصى " يا : إبن العرب

مركز ثانى (

ضياء الادريسي )،