‫#‏مش_راجعة_ليك‬ ....... نسمة سعيد

مش راجعة ليك ..
لو جيتنى تشكى ..
تحكى وتبكى ..
..
مش راجعة ليك ..
..
لو قلت نادم ..
كان قلبي ظالم ..
جيتلك بدمعى ..
جرحى وألمى ..
..
مش راجعة ليك ..
..
كتير سامحت ..
وكتير جرحت ..
وبقصد منك ..
قلبي ذبحت ..
..
مش راجعة ليك ..
..
أنا مش ذليلة ..
ولا كنت قليلة ..
طول عمرى جدعة ..
وكتير قوية ..
حُرة وأبية ..
..
ومش راجعة ليك ..
..
كان قلبي طيب ..
دايماً قريب ..
ابعد وغيب ..
ما بقيتش حبيب ..
ولا منى قريب ..
..
مش راجعة ليك ..
..
حُبَك كان قرارى ..
كان قدرى..
كان اختياري ..
بس خلاص ..
اتخذت قراري ..
..
ومش راجعة ليك ..
..
انت ابتديت ..
وبأيدك نهيت ..
بنيت لك ..
من قلبي بيت ..
وعلى قلبي جنيت ..
..
ومش راجعة ليك ..
..
كان حُبي باقى ..
كان مُحال ..
عنك فُراقى ..
كَسرتنى وصحيت ..
جوايا كبريائي ..
..
مش راجعة ليك ..
..
خلاص كرهتك ..
مش طايقة اسمك ..
ولا فاكرة رسمك ..
حتى الذكرى ..
خسارة فيك ..
..
مش راجعة ليك ..