علينا إن إحنا نتعاون
عشان خاطرك وعلشانى
ولجل ولادنا وبلادنا
نخلى سلوكنا إنسانى
عشان نعرف نسير مسافات
علينا نجنب الخلافات
ونغزل م المحبة شراع
عشان أفضل ف كل الآت
علينا إن إحنا نتعاون
ونسعى نخطى للأجمل
وننسى العيشة بتهاون
مادومنا ف بالنا يوم نوصل
ولجل أمالنا تتحقق
لابُد نوحد المبدأ
ونفهم إختلافنا عشان
نكمل بعض لا نفْرق
عشان يبقلنا مستقبل
وحالنا بجد يتغير
ونبنى المجد زى زمان
لابُد الفكر يتطور
علينا نبص قدامنا
ونرسم بكرا بعملنا
ولو نقدر وليه لأ ؟
نخلى بلادنا م الجنة
— مع كرم شحات.
ليست هناك تعليقات:
إرسال تعليق