لو غبت عنك .......... نادية مسعود

لو غبت عنك
يوم ياغاليه بتوحشينى
وافتكر فى الغربه
وانتى بتحضنينى
وحبى ليكى
مش ناسيكى
وانتى صبرى بوحدتى
وافتكر حضنك وانا مسافر
تمسحى بحضنك
دموعى بغربتى
ارسم وجودى جوه صورتك
كل لحظه بجيب فى سيرتك
بتشوفينى بدون لقاكى
ربنا ينور بصيرتك
اخاف عليكى --لو حد هانك
اغير عليكى من حد خانك
غصب عنى ---علشان لانى
بحس بيكى وبعشقك
اسهر مع نجومك اغنيلك
ياكلمه فى سطر موالى
وحرفك من دهب غالى
اشوفك فى شباب حلوين
وبنوته سوا عاشقين
افكر فيكى فى نومى
وبندهلك بطول يومى
وانتى شجرة التوته
بتحكى ضناها حدوته
بحبك بنت بنوته
تخط جواب لحبيبها
تغنى لنخلتين عاليين
تداوى جرح للعاشقين
وانا بندهلك اتدلع
اردد بالكلام حرفك
واول حرف رددته
وانا بحشاكى بتعلم
باول ضوء اكون عارفك
وكل اديب كتب عنك
فى مواله باحساسه
حكى قصصك ويتعاحب
ورسمك جوه كراسه
كتب عن غنوه لبهيه
كتب عنك بيوم عبله
وغنوه برقصه ع الطبله
انا مقدرش اغيب عنك
عشانك انتى وكأنك
بعشقى ليكى سحرانى
وانتى جوه احضانى
وبرده تكونى وحشانى