على صوت الموج
بسمع صوتك بينده لى
ليه واقف عندك قرب
قلت له لا
على مهلى
خايف أاقرب تتوهنى
وتاخدنى
عن ناسى
وعن أهلى
ترد موجة تانية تعالى متخافشى
وأقول ليه أصعبها على نفسي
خلينى هنا
أقدر على سهلى
يفور البحر وتثور أمواجه
أقوله شوف
الله عليك يا عقلى
أدوس بقدمى خطوة ترجعنى
خلى بالك بحذرك
وده شغلى
إن لقيتك يا حلو ح تغوط
أشدك لبرك
قبل الغرام ما ياخدك
وساعتها
ولا ح ارد
مهما يا حلو
تبعت لى
ليست هناك تعليقات:
إرسال تعليق