انا اصغر طفل على ارضك
انا اصغر .شاعر حبك و حسك
بصرخ ب علو صوتي جوه
صوتك
ياله قومي شدي حيلك
داللي جاي،مايه من قلب نيلك
خير ..وشر ..شابط ف جلاليبك
ياله قومي يا غالي .شدي حيلك
خليكي دايما قويه ..
ازرعي ولادك زرعه عفيه
تطرح خير ف ارضك البهيه
شدي حيلك للي جاي
ناهب خيرك
اللي سارق عمرك و شبابك
ب طلاقه من قلب بندقيتك
شدي الحزام يا بهيه
وآجني طرحك من قلب خيرك
داللي ربك سواه.. عمر غيره
م يزرع دم ف و ريدك
ولادك ع الارض م زروعين
جبال تحمي كل شبر جوه طينك
هات بنادق ..هات اربجيه..
املا عيونا ب الدبابات ..
هفضل برضوا رافع علمك
يا بلادي
.لو كتبوا مكان شهادة الميلاد
اسمي ف شهادة الوفيات .
انا صامت انا حامد .انا اللي مات
انا عارف .انا جاحد .لكن قلبي
حبك ب كل اللغات
و انا البسمه .وانا الضحكه
اللي ساكنه ...بين شفيفك
يمكن غبتي عن عيوني لكن
حاسك..
ومهما غبت.عن عيونك ب كون
شايفك .
ب كون عارفك ..و لمسك
لو غيروا جلدي .وكان البديل
صهيون .
لو حزفو اسمي من جنب،اسمك
و قالوا ان اصلي امريكان
هصرخ ب علو الصوت
اقول اني انا منك
يا ام الخلخال رنان
يا بهيه يا عفيه ف قلب ناسك
وكل ناسك ..ف قلب راسك
صوره تلمع جوه تاجك
و شدي حيلك .
د اللي جاي مايه من قلب نيلك
ياله قومي شدي حيلك
و ولادك ع الارض تطرح
بنقطة
دم شبكة ف قلب جلليبك
تروي كل شبر فيكي
ولا يكفي يا حبيبتي نور عينك
ياله قومي شدي حيلك
بقلم ..هيثم جمعه سيف
ليست هناك تعليقات:
إرسال تعليق