اصعب لحظات حياتى
لما ف يوم اسمع منادى
ينطق بأسم الشهيد
ويقول توفى فلان الفلانى
الدمع ينزل من عيونى
وللا صرخه ام
تاخد معاها كل روحى
لها حق فقدت ضناها
لسه عيل ... شباب صغير
غدرو بيه السفاحين
بطلقات رصاص زى المطر
خلاص شح فيهم الضمير
صبحت قلوبهم من حجر
مع اول صرخه منها
قمنا قوام نجرى عليها
نطيب خاطرها ... نواسى فيها
طلع ان ده مش اول شهيد ليها
لسه رمضان اللى فات
راح ضناها .. نور عنيها
وجه شهيدنا رجع معاها الذكريات
واللى أثر
كلامها عن تحديد يوم الفرح
الغم ملا البيت
والقلب انجرح
حتى الصوت من الصريخ
الحس اندبح
والاب الدم غلى فى عروقه
كل مناه ياخد بتار ابنه
انكسر ضهره
واقسم يمين
وقال ان شالله
الدم ينزل م الجبين
مانا مرتاح ولا يهدى بالى
الا اما اخد بتارك ..... يا بنى
قولنا له تارك عند كل المصرين
بقلم ينزف/
ليست هناك تعليقات:
إرسال تعليق