ندا العيون ..بقلم أ.عادل شعبان

ندا العيون 
-----------؛
ندا العيون 
مافيهوش ظنون
وبسرعة جاوبت نداه
علشان نداه حنون
---؛
يا عيون نادونى
لاقونى
خدونى
وللشوق جابونى
دوبونى
وسابونى
انا والسهر
ويا القمر
نستنى خبر
يهدى الظنون
---؛
يا عيون عجبانى
شغلانى
ومخليانى
عايش بكيانى
وزمانى
بقاله معانى
والحب بدا
بشوق وندا
ونظرة رضا
ملو العيون
---؛
يا عيون بريئة
جريئة
غريقة
بنظرة رقيقة
الحقيقة
ف دقيقة
كل الأسى
راح واتنسى
وقلبى رسا
على بر حنون
بندا العيون
-----------؛
بقلم / عادل شعبان