اثبت مكانك يا ولد
لا تعود لدارك ف البلد
دى السلطه هيا مرات ابوك..
ودراعها " حبلٌ من مسد "
......
خليك ف غربه توجعك
ف بلاد غريبه تلوعك
ولما غيطك يوحشك
دمعة عنيك هترجعك
....
تدفع رسوم من دمع عينك..
للبيوت وللا البيبان..
وللى ماحن ف يوم عليك..
او رد حقك م الحيتان
وخد مكانك تحت شمس الله..
و زقك ع السفر..
دلوقتى قام حرم عليك نظرة عيونك للوطن
ونادى فيك خليك مكانك..
والزمن..
لو يوم رماك ويا الحنين
تدفع تمن.
م انت الغريب .. ابن الغريب..
واحنا لنا كل الوطن.
.......
كلمات/ محمد ابوزهرة
كراديس..١٣/١٠/٢٠١٥
ليست هناك تعليقات:
إرسال تعليق