انا بنسى ..بقلم أ.شيماء حجازى

انا بنسى . بقلم شيماء حجازى

انا بنسى الجرح
ودمعك بيرجعنى

انا بنسى الهم
والقى الشوق
بيودعنى

انا بنسى الغدر
فى حبك وقلبى
دايما يوجعنى

انا بنسى قساوتك
وأرجع تانى لحيرتى

انا بنسى ظنونى وألقى
عيونى فى غيرتى

انا بنسى الضعف
والقى القوة فى
حبى

انا بنسى الدمع
والقى الفرح
فى عمرى

انا بنسى الحب
وامسح بأيدى دمعى

انا بنسى روحى والقى
صورتك فى مرايتى

انا بنسى أقولك إنى بحبك
واتوه فى شوقى وحبى

انا بنسى الاه مع طلعه شمسى
وقمرى

انا بنسى الجرح وأنسى
انك جرحى والمى

أنا بنسى المر وساعات العمر
وكله فى يوم هيعدى

أنا بنسى الويل والمواويل
فى ليلى وسهدى

أنا بنسى