اسمك يا مصر...عوني هشام شاعر واعلامى

لما اقول اسمك يا مصر
الاقى صورتك جوه عينى
ان غيبت عنك يوم فى عصر
الاقى صوتك بينادينى
--------
اردده واقول يا مصر
-----------
لو فى يوم ركعت قصر
اسمك يكمل نص دينى
حبك فى قلبى وليكى حصر
اغنى ليكى وبتلاغينى
------
عشان بقول اسمك يا مصر
-----------
جيش بلادى تاريخه نصر
فيه رجوله تملا عينى
واقفين معاكى فى كل عسر
وكل يسر افراح تيجينى
---------
افرح معاكى واقول يا مصر
-----------
انا لما اقول اسمك يا مصر
الاقى نفسى اعشق ترابك
نيلك فىً دمى وكل همى
ازاى اصونك واحمى بابك
----------
انت غاليه انت عاليه
انت نور فى كل عصر
انتى للتاريخ مناره
وعلم نافع من كتابك
انت امى انت ابويا
انت اختى انت اخويا
انت كل الاهل ياما
ننجرح لو حد صابك
--------
مستحيل
والف مره مستحيل
ننجرح
وجيش بلدنا واقف ببابك
كل اهلى جنود فى جيشك
تعشقك تعشق ترابك
وتغنى باسمك احلى غنوه
وتقول معايا تحيا مصر
تقول معايا تحيا مصر
===============
/// عونى هشام ////: