ليه تستسلم ؟؟زياد الإسكندراني

ليه تستسلم للضياع
وليه .. ما تحلمشي
ليه تخاف من الجواب
وتسيب خوفك
يخليك .. ما تسألشي

ليه ماتسابقش الوقت
وتسابقها ...
وفين ما تروح .. أحلامك
تروح وراها ... وتلاحقها
شايفاك .... وشايفاها
وعن عينيك يوم
ما تغيبشي ..
ليه تستسلم لليأس
وليه ..... ما تهربشي
ليه تخاف من بكرة
وتسيبه يجيلك
وع الفاضي .. يمشي
وتسرقك أيام
ما بترحمشي
و تقع منك ايام
ما بترجعشي
وتيجي تقوم
مع الأيام .....
ما تعرفشي .. !!
============
زياد الإسكندراني