ماشى ...عادل شعبان

فاتنى قطر محبتك
قلت أجيلك ..ماشى
امانة عليك لتوصى
الشمس عليا ماتحماشى
يارتنى ف الطريق جنبك
باضم طيفك ..وإنت ماضماشى
وبختى معاك عليا متوصى
زى غريق ضاع..ما سماشى
---؛
وياك الامان دا معايا
ولغيرك ما آمناشى
تنزل ع الخد دمعاية
اتنهد واقول ماشى
والاقى الف صوت وصوت
اسمع كلام واعمل مافهماشى
يحاوطنى عتمة السكوت
بمرارة الصمت اضحك وأماشى
---؛
واتوه ف سكتى ألقى
عيونك نجمتين على ضيهم ماشى
تغلبنى عليك دمعتى وابقى
روحى جوة منى ..مالزماشى
ولما الاقيك قصاد عينى
يهون الجرح والدنيا ماهماشى
وبنظرة من عينك لعينى
تؤمرنى وبخاطرى اقول ماشى
-----؛
بقلم / عادل شعبان