عجب العجاب
والعجب
انا شفته فى عجيبه
الموجه تتكلم
جايه بتسلم
نسيمها فيه اشعار
بعزف على الاوتار
وقفت انا محتار
من اى تركيبه
--------------
الموجه تشغلنى
بالرقص تسحرنى
بحنانها تدفينى
سكنتها الننى
-------------
مع صحبة من الاخيار
القلب ليها اختار
هشام واخويا علاء
وفى القلب كان طارق
دقاته تتسابق
عزفت بلحن جميل
والعزف بالجيتار
-----------
الموجه كات بتميل
حقيقى مش تمثيل
والبحر كان هادى
علينا بينادى
نسماته تشفى عليل
-------------
الموج يلاحقنى
وهواه بيسحرنى
نسيمه يرد الروح
ابعد ارد واروح
شوقى يغلبنى
عشقت انا مطروح
وبسرها راح ابوح
وراسمها فى الننى
-----------------
تعالوا يا احباب
مطروح دى فاتحه الباب
للاهل والاصحاب
حتى الغريب لو طل
هتقابله بالترحاب
----------------
هتعيش مع الميه
ورمال بحنيه
شط الغرام ما حلاه
وكليوباترا أقول الله
وعجيبه دى هيه
فى القلب وعنيه
--------------
الناس تيجى وتروح
والاهل فى مطروح
اصاله اهل الكرم
تعشق هواها الروح
=============
عونى هشام
ليست هناك تعليقات:
إرسال تعليق