بحر غويط ...اسر فاروق

لولا السيسي
لولا السيسي كنا غرقنا ف بحر غويط
لولا السيسي كنا لبسنا سوا ف الحيط
لولا السيسي كنا لجئنا لأي بلاد
وكنا شحتنا وكنا أكلنا بالتلقيط
لولا السيسي
كان هيصبنا احنا الدور
زي ما كان بيخطط لينا الماتادور
يوم نتقسم وتبقي بلدنا زي عدمها
كان الدم ..هيبقي بحور
لولا السيسي
كانت الدنيا هتبقي سواد
شمس وغابت مالها ميلاد
ولا كنا هنعيش بكرامة
ولا كنا هنعيد أمجاد
لولا السيسي
كانوا هيمحوا كل آثارنا
ويشوهوا لتاريخ أجدادنا وينفوا قمرنا
زي ما عملواف سوريا وغيرها
كانوا ناوين يملكوا أفكارنا
بعض الناس بيقولوا عليه أنه جبان
وأنه باع الأرض ف لحظة ولينا خان
وأنه خلاص أهتم بنفسه
وضحك علينا بكلمات زايفة وكان سهتان
ردي عليهم بصوا وشوفوا للمشاريع
بنا وزراعة وشق جبال وكله سريع
رغم الحرب علي الإرهاب
وحربه كمان علي ناس فاسدين متبعة سياسة التوقيع
لما يكون راجل حقاني
وبيملك إحساس إنساني
والحق يرجع لأصحابه
تتهموه بإنه شيطاني
أعرفوا إن السيسي ده نعمه
ربنا بعته ف آخر لحظة
علشان يحمي بلدنا الغالية
ويردها من إيد مرتزقة
وأعرفوا إن الراجل وطني
علي أرزاقنا هو بيجري
وعايزنا نعيش أحسن عيشة
بس فيه ناس بتهد ما تبني
أنا والناس الشرفا معاه
مش تطبيل ولا عايزين جاه
عارفين أنه حابب بلده
وأنه يخاف ربنا ف علاه
لولا السيسي