قبلك كنت عايش ...زياد الإسكندراني

قبلك كنت عايش 

معرفش للحياه

آلوان ..

الحزن زي الفرح 

آهي كلها محطات 

ليــها نفس الإسم 

نفس العنوان ..

رحـت .. جيت 

وقفت ... مشيت 

نفس التوهه 

في نفس المكان ..

عايش بلا معنى

بلا هدف ..

حياه بلا روح

بلا شغف ..

إنسان بلا إنسان ..

دلوقتي نفسي 

أعيش الحياه ..

علشان أقولك

بحبــك ..

***

قبلك كنت عايش 

عدم .. مالهووش

ملامح ولا معاني ..

خالي من المُنى

ومن أي أماني ..

لا بشتري حنان 

ولا ب أبيع حناني ..

مش فارق 

حلم يتحقق 

ولا فارق 

أمل يتحرك ..

إللي رايح 

زي اللي جاي ..

الكل بيعدي 

وأنا واقف مكاني ..

دلوقتي نفسي 

أعيش الحياه ..

علشان أقولك

بحبــك .. 

============

زياد الإسكندراني