شيطان الشعر ...شاعر الغلابة ناصر على

شَيطان الشِعر دا مُش جِني
دا مجَنني
طَبْ أعمِل إيه
-----
يِخْبَطْنى بفِكرة على راسي
واعمل راسى
وافضَل ألاغيه
-----
يا عَم ابعِد سيبني فـ حالي
طب وانا مالي
انا هاكتب ليه
-----
أنا ياما كتبت كتير ياما
وسِيبت علامة
طيب جرى إيه
-----
الشعر دا حِتة فـ تكوينى
نُص سنينى
معجون انا فيه
-----
يا شيطان الشعر انا من خوفى
تايهة حروفى
مش عارف ليه
-----
مش ممكن هاطلع من توبى
ودا مكتوبي
عايش انا بيه
-----
مش ممكن ابدا راح اطَبٍل
لو راح ابَطل
يا شيطان اوكيه ؟
-----
ناصر على توفيق