~~~~ قوس قُزَح ّّّّّ
..........
لملم كتير من ذكرياتك ..
اللي فُته م اللي فاتك
إكتب كلام ف الورق ..
وانسى الخوف والقلق
وابتدي بالمبدأ ..
هات من بعيد ..
كام قوس قزح
وأرسم عليه كل الصور
الباهته زي لون ملامحك
ألوانك السوده إبتدت ـ
تفرض عليك لون العجب
ولا لون يشبه جبهتك ؟!
حزن إتبدر ف سكتك ؟!
طب هات كمان سن القلم
واكتب حصاد كل السنين
اللي انت ياما عشتها
لو كنت باين منها
أو حشتها
هات أحلامك كلها
اللي انت ياما حلمتها
أو سبتها
أوهام حقيقتك دستها ؟
يلا ابتدي صفحه جديده
وقيد شموعك كلها
..........
منتصر
ليست هناك تعليقات:
إرسال تعليق