أنا ماجد
أنا صوت الجرس لمّا
بيحضن صوت أدان الفجر
أنا اليُتم اللي كان نونو
وصار لمّا كبر يشبه
طلوع البدر
أنا صوت المسيح جايب
وصايا الروح
وانا اللي ف صدري باب مفتوح
وانا دايما منين ما باروح
باوزّع خيري زي النهر
أنا الطقل الملاك بينكم
وانا الشيخ اللي محني الضهر
أنا صوت السما ترانيم
وانا الطيبه اللي عاشت بِكر
فتحت الحُضن ضمّيتكم
وكان بيتي الكبير بيتكم
ف ليه وانا كنت عزوتكم
أعيش موجوع ..
واموت بالغدر ؟
سيد منيرعطية
ليست هناك تعليقات:
إرسال تعليق