من الماضى...الشاعر/ عونى هشام

ربيته فى قلبى واتربى
حلوته طعمها مربى
كبر فى عينى ومربى
وبعد دا كله فاتنى وراح
-----------
ماعدش حاجه تتخبى
يشوفنى يجرى يتخبى
فكره ملان واتعبى
اساوه عليا فيها جراح
------------
طفح الكيل هنا ووفا
فى يوم كان هو لى الدفا
لقيته فى جرحى يتشفى
ومع حزنى يعلى افراح
------------
ليه بس. تعادينى
ومين أساك تعاندينى
كنتى فى يوم تغطينى
كان بينا رضا وسماح
--------------
يا قلبى حرام تروح منى
انامغلوب وظالمنى
دموعى ساكنه فى الننى
كأنى طير كسر له جناح
---------------
خلاص الحب انا نسيته
ولو مريت بيوم بيته
هاقول لقلبى انا رميته
عيش يومك بقى وارتاح
---------------
هاعيش حياتى من تانى
وهاكتب شعر واغانى
واعزفها بالحانى
وارددها مسا وصباح
---------------
اشوف بعينى امل بكرا
وكل ما عدى كان ذكرى
وبرضه اعيش على الفطره
واعشم قلبى بالافراح
===========
عونى هشام