(( حبيبتي فريدة )) ****** عمرو اللمعى

حبيبتي فريده من نوعها
جناين ساكنه ف ضلوعها
روايح مسك ف دموعها
بصلي الفرض ف عنيها
والاغي الورد ف ايديها
في عز البرد بسقيهاا
جناين شوق
حبيبتي ياخلق ضحتكها
شجر برقوق
ونوع نادر من التفاح
زرعت جمالها ف عنيا
كما الفلاح
وف الشفه مكان ليا
بنام وارتاح
بسافر جوه ف عنيها
ليالي ملاح
وبرجع تاني للدنيا
واقول سواح
ف نظرة عين
حبيبتي يا خلق ف عنيها
جناين تين
وعالم تاني م الاطفال
ونخل كتير
وليل وجبال
وسوق للمال
وتلج تلال
مسابقة شعر ف عنيها
لأجمل كلمه ف الموال
حبيبتي يا خلق ف عنيها
تجمع راقي للأطفال
ونا منهم
وباخد نظره مصروفي
ونظره كمان ل أجيب طوفي
وباخد بوسه ف كفوفي
ويتقالي يا واد شطور
حبيبتي فريده من نوعها
صبيه من صبايا الحور
‫