أطيب گلب بالكون...الشاعرة/ هدير الجواهري أم تقي

نظرتك هي شهگة الروح...
يا أطيب گلب بالكون...
هنياله الشايفك هسة...
وبدون شوفتك تعمه العيون...
ريتني ظلك وامشي وياك...
وين ما تكون آني أكون...
ويا ريت عيني تصد بعينك...
ويزداد بگلبي الهيام والجنون...
الوفه شي كلش قليل بحقك...
أنت طرب گلبي واليغنون...
من ما اشوفك تدري شيصير...
يزداد بگلبي الخوف والظنون...
عمري ما أعوفك حبيبي...
وحق رب الخلگ وذا النون...
گبل چنت أگول الحب ذلة...
ووياك حبي رفعة راس اليحبون...
أنت علمتني الحب ومعانيه...
وعرفت معنى العشگ شلون يكون...
سكنت گلبك وما ندمانة يوم...
يا أحلى عشگ بهذا الكون...
بيك أتنفس واختنگ لو تاهت...
عني اخبارك يا گلبي الحنون...
غيب لو ردت بس لا تطول غيبتك...
تدري بدونك شلون أصير محزون...
وخليني اشوف عيونك تضحك دوم...
يا حلم عمري الفات وكل اليجون...
وظل أكابر وما أبين من تغيب...
وتچويني نار بعدك واتمنى مدفون...
ادري بيك مشغول هواي بس عندي...
طلب واحد اسأل عنك وية اليسألون...
وترد عليه بكلمة لو حرف برسالة...
تطمني وكل شي بوجودك يهون...
................................................هدير