(( عقرب ساعات الزمن )) ***** ‫‏عمرواللمعي‬

عقرب ساعات الزمن
رافض يكمل لفته
عقرب ساعات الزمن
احمر شفايف كلفته
من وكسته حب الدقايق والساعات
اختار يكمل من سكات ينعي الزمان
عقرب ساعات الزمن
جرجر كتير
حب بضمير
حوش سنين عمره في بير
طلع مخروم
عقرب ساعات الزمن مصدوم
ازاي يحب الدنيا جدا
ويلف جامد لاجل اوقات السعاده
يضحكوا جموع السياده
وهو دوره بس ماشي
غمزه منه غمزه منها
جات تلاعبه قام شاتمها
دنيا مومس
عقرب ساعات الزمن
رافض يكمل لفته