لاتبكى ايها القلب الحزين -- فهناك قلب يبكى عليك ويعشقك
********
لاتحبس الدمع فى مقلتيك بل دعهما يخرجوا وينسابوا على خديك ليرسموا نهرين لتعبر فيهما مراكب الأحزان محمله بما بك من آلام --
أبكى فقد رحلت الإبتسامات محملةَ بكل الذكريات وكيف تكون للذكرى بسمه وقد سبقتها كل انواع الآهات --
أبكى مرات ومرات وفى كل مره تذكر ان مابقى من العمر لايحتمل الفراق فأجعل بكاءك اكثر على العمر اللى فات --
ابكى على حبيبتك
اللى نامت يوم على صدرك
وقالت لك بحبك
مهما كان حبك كله جراح --
أبكى على اليوم اللى عدى من غير ما تداوى الجراح --
أبكى لليل والقمر وقوله ياقمر مافيش حد فينا بات مرتاح --
ماتفتكرش انك لوحدك فى السماء بيك جراح
ياما فى ناس فى الأرض مليانه آلام وجراح --
أبكى من كترة الشوق والحنين
من سهر الليالى وبعد السنين
بس خلى بالك ان فى شمس هاتفتح ونهار هايطلع أوعى يشوفوا دمعك
او يحسوا يوم بجرحك
لازم تخبى ألمك وتوريهم دمع فرحك --
وبعد اليوم مايعدى
والشمس فى السما تعود وتهدى
خلى دموعك تعود وتندى
ولما يجى القمرعليك قوله كنت بمسح فى دمعى
وشايل فى قلبى كل همى
ما انت مشيت وبعدت عنى ---
أبكى على اللى وعد انه يكون لك على طول
واللى وعد انه يصون عهدك وعمره فى يوم مايخون
واللى كان من زمان بيقولك بحبك --
ابكى ع الصاحب اللى خان
واللى قالك ان حبك مالوش مكان
واللى حب يفرق بينك وبين الخلان
واللى عمرك ماحسيت معاه بالأمان
ابكى على العشره الجميله
ولقمة العيش والملح الأصيله
وكل كلمه كانت بتسبقها تنهيده --
أبكى لما تروح لبحره
وامشى بالراحه على شطه
ولما الموجه تجرى تقابلك أوعى تدارى الدموع --
خلى موجه يمسح دمعك
يمكن يجرى أوام على حضنك
ويبلغ ان هناك حبيب مهموم --
أبكى ياقلبى وارمى همومك
يمكن دمعك يدارى همومك
ويمكن زهره من بستانه تجرى وتاخدك بين أحضانه
بس اسألها يازهر بنفسج ليه الدمع مالهوش ريحه وهو اتغذى من أغصانك
يمكن لو كان ليه ريحه تجرى الناس عليه وتطبطب تمسح دمع العين وتفكر
ليه الضحكه مش دايمآ صادقه
وليه البسمه مالهاش لازمه
وليه الغدر اصبح بصمه
وليه القلوب مش دايمآ صافيه --
ماتقولش القلوب اتحجرت
ولا النفوس اتغيرت
قول المصالح هى اللى ضغت
والناس اتكبرت
وقلوبها هى اللى اتجبرت
والعبد طماع يقدر يدوس على قلوب العباد بس المهم تكون مصالحه اتحققت --
أبكى ياقلبى يمكن تلاقى قلب زيك يشعر معاك يوم بالألم
ويقسم الأه قبل ما الاه تطلع من صدرك فيحس بيك وبالألم
ويقولك كل مصلحتى معاك انى احبك واعشقك
لاتبكى ايها القلب الحزين فهناك قلب يبكى عليك ويعشقك
ليست هناك تعليقات:
إرسال تعليق