صدفة.. !! زياد الإسكندراني

كنت دايماً بسأل نفسي وروحي .... سؤالين .. 

كانوا يوماتي ف راسي .......... رايحين جايين ..

الأول .. أنا رايح على فين .......... وجاي منين .. 

والتاني ..... بلاد العشق فين .. وأنا منها فين ..

لحد ما صدفة قابلتها .............. مرة أو مرتين ..

يا دوبك العين ....................... جت ف العين ..

والجواب اللي إستنيته ............... من سنين .. 

لقيت ردُه ف ضحكة منها .............. و نظرتين ..

وقلبي اللي إفتكرته ... تاه و مات فيه الحنين ..

دبت فيه الحياه ....................... ف لحظتين ..

واللي كان بيني وبينه ........ مسافات وإتنين ..

بقى بيني وبينه ................ يا دوب خطوتين ..

وحواديت الحب ............. وحكايات المُغرمين ..

بقى ليا فيها حكايه .. بدايتها صدفة وكلمتين .. !!

===========================

زياد الإسكندراني