يا سيده ............
هو انتي ليه
سايقه الدلال ع الأفئده
ومحبتك.......
ماليه القلوب والأورده
ياسيده
القلب م القسوه اشتكي
وعيونه .غرقت ف البكا
خفي دلالك... مش كده
يا سيده....
سهران ليلاتي .ف غربتي
تايهه الخطاوي ف سكتي
وف دنيتي ... ...............
الشمس تاهت...... والقمر
والفرع الأخضر ع الشجر
وانتي الوحيده تقدرى
تتغندرى ........تتمخطرى
وترجعيلي ....ضحكتي
يا سيده......
آن الأوان ...نلقي الرضا
ياسيده ..يا منصفه
البعد ..بيزيد الجفا
والجرح عايش ع الأمل
نفسه يدوق طعم الشفا
قلبي اللي حبك وانكوي
بنار الهوي
طمعان ينول لحظة صفا
يا سيده ...يا منصفه
ما تشمتيش فينا العدا
يا سيده...........
هو انتي ليه متأكده
ان دلالك ....ده رضا
وان اللي داق يوم ميتك
م الصعب ينسي محبتك
يا سيده.... .......
ايه سكتك ؟
مش خايفه يوم
كتر المقاسي والهموم
تصيب قلوبنا بالصدا
ولا انتي واثقه ان أنا
عاشق ترابك م الصبا
**********************
ليست هناك تعليقات:
إرسال تعليق