عيونه السوده سحرانى ..بقلم أ.رضا ابو الغيط

عيونه السوده سحراني
ووخداني. ليالي الشوق
ومن شوقي بااقول ياني
وبااتمني.... زماني يروق

ببات الليل.... . أنا وقلبي
نواسي الصبر علي بعده
و بعد الصبر مين جنبي
يوفق قلبي .. ....مع قلبه

وبستني تزورني عينيه
وليه أوهب عيوني الجوز
وتتحني بفرحي ايديه
ومن ايدي .....يدوق اللوز

يبات الليل ف أحضاني
وأحضانه ..تساع حبي
ومين غيره حبيب تاني
ينول القرب من قلبي

علي شط الغرام قاعد
وبستني حبيب الروح
ونور البدر.. كان شاهد
علي القسوه وع المجروح

ياموج البحر ....يا مقابل
مراكب... قلب محبوبي
تقول له قلبي مش قابل
يمس.. غير هواك توبي

**********************
رضا أبو الغيط