الأحد، 9 أكتوبر 2016

ونتوه ف السكه ..بقلم أ.محمد فتحى عبد الغنى

ونتوه ف السكة
________
ونتوه ف السكة
ولا نلقى ف يوم روحنا
ونسأل ع اللي كان
بيكتر ف جروحنا
واحلامنا واوهامنا
وحنان معاه دوبنا
وحاجات كمان كتير
يا تري حا تشوفنا
_______
يا تري يأهل تري
حانكون لبعضينا
واللا ايه جري
بنتوه ف المينا
وموجة ورا موجه
حاتغير اسامينا
العاشق والمعشوق
حايكون ماضينا
__________
السكة مالها طالت
وتعبنا من بكره
والضحكة ليه ماتت
بنشوفها ف الذكري
حتى السؤال نسينا
والهجر بقى فكرة
يا حروف الأمل فينك
عاوزينك نتهجى
_________
كلمات:محمد فتحي عبد الغني
2016/10/8

ليست هناك تعليقات:

إرسال تعليق

إعلانات