فى عنيكى ..بقلم أ.حسن بعيله

فى عنيكى 
النخلتين 
ماطاطوش
فى عنيكى 
حلم
على قد قلبى
ماتمناه
ماطالوش
.......
الليل براح للذكريات
والوجع
على قد ما ركبت الليالى
وسوقت
قلبى اتنزع
حاسس بطعم الضى
وسط الليل
نشا
قلبى اتبرا
وانزوا
وانتشى
فكرى ان مج النسكافيه
سهران
هايغنى غنوه
من غنا زرياب
زرياب لعن حظه اللى جابه هنا
....
كتبوا التاريخ
ف الليل ونسيوا
اسم حد
صنعوا الهزايم
والمكاسب
حسوا يوم بالرد
ان اللى خلى سواد قلوبكم
اسير
هو اللى فاز
هو اللى طال المجد
يا شمس عز الليل
ماتبانشى
سبت القمر
للسما
ضوء القمر مش عما
بس انت قلبك
غميق
واللى اتنسى
كالاسى
مايعودش تانى
خلاص
النور يا ليل ابتدا
يزهر صبايا حور
قلبى صبح
جنه
ساكنها بدر بدور
عزت عليا الغناوى
زمان
صبحت على لسانى
كفى اللى كان مبتور
دق النغم بدرى
دندن
.
.
.وماسمعتوش ....
#حسن_بعيله