بسجل اعتراضي .. الشاعر/ سيد صادق

بسجل اعتراضي ..
ع اللي خانوا واللي باعوا ..
واللي بعد الشبعه جاعوا ..
واللي بينا راحوا ذاعوا ..
شعبنا طيب و راضي .
بسجل اعتراضي ..
ع اللي زرعوا الفتنه فينا ..
واللي غموا كمان عنينا ..
واللي غنوا كتير علينا ..
تسلم الأيادي ...
بسجل اعتراضي ..
ع الساده و ع السياده ..
واللي يشتم ف البياده ..
واللي قال خلي حماده ..
يروح ويحرس الأراضي
بسجل اعتراضي ..
علي كل لص من اللصوص ..
يشتري ويبيع نفوس ...
لجل ما تزيد الفلوس ..
و عامل علينا بس قاضي
بسجل اعتراضي ..
ع اللي باعوا القضيه ..
واللي عملوا المسرحيه ..
واللي بيكتف ايديا ..
انا و ولادي
بسجل اعتراضي

سيد صادق