فاكر زمان...الشاعر/ حسن بعيله

فاكر زمان
لما كنا بننبسط اوى
لما بس نلاقى بعض
فاكر كمان
وقت ما اسمع بس صوتك
جايللى من باب العماره
وابقى نايم
قول فى سابع
او فى تاسع نومه باصحى
واجرى قبل ماحد يسمع
افتح الباب واندهك
اطلع تعالى
......
فاكر ساعتها كان كلامنا اصله ايه
او حتى كنا نجيب فى سبره مين تمللى
كنا برضه بننبسط اوى ف الكلام

فاكر
انا فاكر
وباحلم انى اعيد كل اللى فات
باحلم
بصوتك
ندهتك
وبندهتى
وبنفس احساس الكلام
لكن خلاص
مابقاش يفيد
يظل الحال كما هو
يا دوب هاحلم
لكن بالمره هادعيلك
بحق ما كنت بافرح بيك
فتفرح انت بالجنه
وحق ماكنت با ستناك كما العاده
تنول الاجر /
اجر اللى نكتب اسمه
فى قلب ميدان
وداق الطلقه بشهاده ‫#‏حسن_بعيله‬