/ عيني تدردم دمع / ...... هدير الجواهري

عيني تدردم دمع وتگول...
من شوفتك حبيبي أريد أشبع...
ظليت تأملني بشوفتهم...
وظليت اصدگ واسمع...
وهسة تعوفهم وتروح شلون...
يلله امشينا يمهم نعاود ونرجع...
وتريدني بدقايق اكتفي منهم...
عمري بشوفتهم ما يكتفي ويقنع...
وتريد هسة عنهم اروح واسكت...
لا ما اسكت ولا عنهم ارد وارجع...
أريد أظل يمهم دوم ساكن هنا...
وعيني من الفراگ كل لحظة تدمع...

خليني يمهم هنا وآني كل يوم...
ما احچي بعد ويكفي صوتهم اسمع...
واگعد يمهم وما اشبع من سوالفهم...
وبنظرة منهم هم بعد أريد واطمع...
وما أمل منهم ابد وللدوم ابقى...
من گعدتهم لا أمل ولا أجزع...
وشلون تنمل گعدتهم ولسانهم...

طيب لا يعرف الچذب ولا يخدع...
لا ترجعني الدنيا الغدر والظيم...
اللي كل يوم بيه بس تصدع...
خليني يم اللي احبهم واهواهم...
يم ناسي وكلي وهمه الي منبع...
اتنطر أخبارهم كل يوم وساعة...
وعلى اخبارهم دوم گلبي مگطع...