قربنى منك...الشاعر/ عوني هشام

بحبك وانت بتهوانى
وحياتى ف قربك شئ تانى
لو تبعد تبقى انت الجانى
قرب يا حبيبى خدنى معاك
--------------------------
بحبك والشوق يغلبنى
لو تبعد تبقى بتظلمنى
اناديلك قرب واسمعنى
اللحن ما يحلا الا بغناك
----------------------
عينيا بترسم لك صورة
عاوج لى حواجبك ع الاوره
واشعارى فى بعُدك مكسورة
تعالى حبيبى الروح تهواك
---------------------------
بحبك والحب حياتى
فى قربك احس بأوقاتى
قلبك بيدق بدقاتى
ودقه بدقه تقول عشقاك
--------------------------
عشقت العشق انا فى عيونك
وبعمرى حلفت انا ما اخونك
هاتصونى وطول عمرى اصونك
لو تطلب روحى هيا فداك
-----------------------------
خد عمرى وعمر كمان تانى
مشتاقه والشوق خلانى
خايفه من يوم فيه تنسانى
قربنى حبيبى اعيش وياك
=============-
عونى هشام