/ أول وآخر عشگ / ..... هدير الجواهري

اسكت عني حبيبي وروح...
لا أعلگها عليك فرد علگة...
نسيت من عفتي ورحت...
وفرجت عليه العالم وخلگه...
وهسة جاي تشتكي وتگول...
كل شي مني ما بقى ولا تلگه...

تگلبها عليه تريد تزعل وتلوم...

وتحرمني من حنانك والشبگه...
وتخليني أصالحك وأتوسل بيك...
لا ما أصالحك لأن ما أگدر أجافيك...
ولازم أتلگاك بأحلى ملگه...
وتدري وياك آني كلش ضعيفة...
وما أگدر أعوفك وتكتلني الحرگة...
تدري اذوب بهواك يا كل عمري...
أنت أول وآخر عشگ آني أعشگه...