مهما طال البعد والشوق والحنين
بكرة نرجع للى عشنا فيه سنين
بكرة نخلق دنيا تانية كلها حب وحنان
واللى فات كان وانتهى ليه بأه نعيد اللى كان
* * *
ياما قلبى اشتاق اليك وانت ابعد م الخيال
ياما عشت احلم بحبك اللى اجمل م الجمال
فاضل ايه للقلب تانى م الامانى والامال
لما جانى الحب نفسه يملا قلبى بنور جديد
نور مشفتش عمرى زيه لما كان عنى بعيد
* * *
قلبى مش ممكن ح يقدر ينسى قلبك
طول ما فيه النبض عايش ويا حبك
عاوز اشوفك عاوز احس بانى جنبك
د انت خلتنى احس بانى عايش يوم م شوفتك
ليه تخبى عنى حبك ليه تدارى عطف قلبك
* * *
الليالى الحلوة جيا جيا بالنور والامانى
عندى ليك ايام هنية عندى ليك حبى وحنانى
بكرة ادوب لك شفيفى بين شفايفك ياحبيبى
بكرة يعنى العمر كله وانت فيه بختى ونصيبى
ومهما طال البعد والشوق والحنين
بكرة نرجع للى عشنا فيه سنين
على نور الدين
ليست هناك تعليقات:
إرسال تعليق