ليه مظلومين
والظلم بقى مكتوب علينا
طول السنين
ساكتين وما فيش حاجه بأيدينا
ناس محرومين
وشاقينين والعيشه طين
والظلم عايش وسطنا بيذل فينا
عايشين بقلنا مائه سنه
مستنين لحظه أمان فين الهنا
بس هتيجي منين
مستني ايه
هو انت ليك لزمه هنا
هو انت مين
أنت على لوحه خشب بينقلوك
لو مره تخلف ظنهم
تتطلع عنيك وعين أبوك
وبيفرحوا لما يشفونا
مذلولين
وأما عرفنا حقنا
وعرفت حقى
انتا وانا فين
وعملنا ثوره
وطلبنا فيها بحقنا
وقلنا برضوا مكملين
كات ثوره طين
مات الجنين
من صرخه
تهتف مظلومين
باتت الشوارع
فى انين
وسهرنا ليل
كان كله ويل
بدل ما نسهر للقمر
نسهر نفكر فى الأمل
سهرت دموعنا ف ليل
حزين
وبعد ما عشنا فى ليل
وكان منور
دلوقت عشنا ليل
ظلام ولونه أحمر
ولكل دا متحملين
ونقول نموت
احسن ما نبقى
مظلومين
وخلاص حررنا السكوت
ومكملين
وفى لحظه كل اللى اتبنا
و وتعبنا فيه انتا وانا
اتهد بادينا
واللى صبرنا عليه سنه
وسلمناله نفسنا
بيهد فينا
كان نفسنا يكون مننا
يراعي ربنا
ويحس بينا
اتاريه بيكسر ضهرنا
واحنا طلعنا مغفلين
بس معانا ربنا
هو الرحيم
ولسه برضو مكملين
الشاعر /بلبل عثمان
ليست هناك تعليقات:
إرسال تعليق