انا ما اقدرشي ما اسهرشي ولا احلمشي
..ولا هاعرف اكون غيري عشان الحظ ما امرشي.
..ولا اتلون بلون باهت يداري خجلي وكسوفي....... دانا راسمة رموز حلمي على كفوفي.
عشان لما الزمان يقسي افسرها لاحزاني واعدي وادوس على خوفي....
. انا هالة من الافراح بتحرسني مبتسبنيش .
ملازمة كل خطاوية وحالفة لاعيش
..ومهما غيمت سكة هنا قلبي ما هتفوتنيش
.اعدي الجسر ندمانه .واقول معلهش دي ظروفي..... انا ماسكة خيوط الفرح بايدي .وشداها على خصري.
وفارشة سكتي احلام ووردية توريني طريق قصري.
.وناوية نيتي لله ادوس عالصعب مهما يكون .
.واقول للدنيا لو داست على حلمي..:بكرة يا قاسية هتشوفي.....
انا عشمانه في امبارح يصبرني.
ومستنية من يومي يكبرني.
.وبكرة رغم انه بعييييييد
ممنيني بكل جميل ولوصوله باقول يا رب قدرني ............
وكل ما حزن او دمعه او اهه بتوجعني قساوتهم...
باقول معلهش..هتعدي ده حبة يا دوب وهتفارقوا ..وواجب تكرموا ضيوفي.....
فمعلش يا ايامي ما نيش هارضى بالاستسلام
ولا راح اطاوع الاوهام
..واضيع حصتي الباقية من الايام باتندم على حظي وحكماني قيود خوفي...
فمعلهشي هاقول تاني يا ايامي ولازم تفهمي كلامي :
انا ثابتة لأاااااااااخر سطر من عمري ومش ناوية اضيع نقطة من حبري على الفاضي.... "عبير"
ليست هناك تعليقات:
إرسال تعليق