حاجه بسيطه من دمعي..نبيل مصيلحى...إلى روح العالم المصري الجليل الدكتور / أحمد زويل

سلامي لقاهر صعاب الصعاب

دموعي بتنزف عليك في البعاد

محبه / موده / وشوق واحترام

لأنك ( زويل ) .. كنت أهدي دليل

في جهدك وصبرك وعلمك ..

وحبك لهذا الوطن

لأنك ( زويل ) .. كنت أنبل نبيل

بتهدي الوجود كل شئ بالمحبه

وفكرك لبلدك .. ما قصرت حبه

ولا بعت يوم زي غيرك بلادك ..

بأرخص قليل ..!!

مدينتك هتكمل ..

وصبح النجاح راح ينوّر عيونها

بإذن الإله ..

وتبقى لولادك ..

مناره وجامعه وسكة نجاه

عشان انت .. ( نيل )

عشان انت بسمه تزيح مستحيل

عشان انت راجل ..

ومن ضهر راجل

مكافح أصيل

عشان انت .. ( نيل )

تفيض بالعلوم النجيبه البهيه

لمصر الحبيبيه ..

وللإنسانيه

عشان مصر ولدت ..

ولسه بتولد .. ( زويل كل يوم )

فلك مني أرحب وأعظم تحيه

ورحمة إلاهي ..

تكون من نصيبك

وتفتح لروحك بيبان السما

يا أطيب نبيل ..

يا دكتور ( زويل )