رغم شوقي اللي ف وريدي
إنتفض يعمل مسابقه
كان كرامة قلبي أبقى
من حياتي ومن وجودك
من قلاعك
من حصونك
من جنودك
مش ح اكون ف السكّه ضلّك
مش رح اقبل أبقى عندك
من بعيد مستنّي جودك
دا العبير اللي ف ورودك
كان عشان قلبي اللي عاشلِك
كام سنه ف الضل سقّا
م النهارده بجد لأه
مش ح اسلّم للهوان
والربيع ح امنع مروره
من جناينك مهما كان
الورود .. رح اسيبها تدبل
من جراح شوك العيدان
والعنب رح يبقى حصرم
بانقطاع مطر الحنان
أي حد ف حبُّه خان
يبقى يستاهل وأكتر
مهما يعمل ذنبُّه أكبر
حتى من بحر السماح
كل جرح لقلب مخلص
ردُّه ملايين الجراح
رح تعود شمس الصباح
مهما كان الليل خناجر
جوّه قلب الضي راشقه
م النهارده بجد لأه
مش ح اسيب الروح معاكي
تشرب المُر ف كاساتك
مش ح اكونلك سندبادك
الي جوّه البحر شارب
ألف موته عشان حياتك
لو حياته قُصاد مماتك
رح يسيب الموت يزورك
مهما كان بَعدك ح يشقى
م النهارده بجد لأه
قلبي أبقى
قلبي أبقى
سيد منيرعطيه
من ديوان(( باستغِربك))
ليست هناك تعليقات:
إرسال تعليق