إنتي الوباء اللي انتشر
ف بلادنا من وعد الكلاب
إنتي اللي جيتي ف أرضنا
وزرعتي أشجار العذاب
إنتي اللي من حبّة سنين
على أرضنا فارشه اكتئاب
إنتي الخيانه والمهانه والضياع
إنتي الصراع بالزيف حصل
وانتي السراب
مش هنسى قانا
والا صابرا
أو شاتيلا ودير ياسين
مش هنسى شِبعا
ف المزارع ميتين
مش هنسى ضحكة طفل
من بحر البقر
دمّه اللي فوق كرّاسته كان
عنوان حزين
مش هنسى غزه ودمّها
سايل بحور
ولا هنسى عمري الأقصى
أولى القبلتين
خيبر هترجع
صوتها سامعه من هناك
بينادي من فوق الحرم
بلسان بلال
صوت الأدان ف الأقصى
ترنيمة ملاك
نازل يقوّي بالإيمان
عزم الرجال
كل اللي راحوا ف سينا
غيرهم رح يعود
صوت البارود
قادر يدوس ع الإحتلال
ياللي احتميتوا
بين ولاد العم سام
جيّه النهايه ف السحاب
زي المطر
وحذاري تنسوا إنّكم ف الإنهزام
كنتم فيران هربت قُصاد
طفل بحجر
جيّه النهايه والمؤكد رح يكون
النصر لينا
ويّا مهدي المنتظر
:
:
:
سيد منيرعطيه
من ديوان (منتهى اللذه)
ليست هناك تعليقات:
إرسال تعليق