شوكت يجي العيد...هدير الجواهري أم تقي

الصار بالكرادة ما صاير قبل...

حلم عيد وفرحة طفل يرفرف...

والأحلام صارت جثث وأيتام... 

شما أحچي هم يخون الوصف...

فرحة الأطفال بهدوم العيد...

تحولت مآتم ودموع ما تجف...

وأمهات تلطم وحلم ضاع وراح...

وأطفالها گدامها تموت بلا أسف...

ولا واحد يگدر يساعد وبس انتظار...

للفرج وضاعت الفرصة خطف... 

والموت يحوم داير ما دايرهم... 

والگبور بالأرواح تكرف كرف...

وهلاهل وچكليت چانت تنتظر...

تاليها فواتح امتلت أهل الطرف...

يا عراق شوكت تفرح أطفالك...

والإرهابي يقتل كل يوم ومحترف...

والناس تعودت كل عيد بعزه تعيّد...

وبعده الحزن يدوّر وما معترف...

يريد بعد أحزان وأيتام وهموم...

كربلا بأول رمضان بعبوة نسف... 

واليوم حريق الكرادة أخذ أكثر...

وكل يوم طريقة جديدة وظرف...

شننتظر يا صبر عدنا ويا شباب...

كل يوم والفلوجة بعدهي تهتف... 

الداعش وكل إرهابي والنتيجة...

أرواح خضره ما الها ذنب وهدف...

جِنَت الموت بلا خطأ وجريمة...

الظالم يمشي بين الناس وصلف... 

البلد نهبوه والملائكة راحت للجنان... 

هناك راح تعيّد وأحلى لحن تعزف...

والحرامية كاعدة بالخضراء ومحمية... 

بعدهم مچلبين بالكراسي وما يعترف...

نهبو البلد ولا يهمهم أرواح البشر... 

مو مهم البلد وأرواح بالسما ترفرف...

المهم أرصدة وملايين بالبنوك...

ولا أحد يحاسب ولا عدهم شرف...

إلك الله يا عراق الخير وبعدك... 

صابر رغم جروحك اللي تنزف...

وگمت من كثر الموت والنهب...

ما تحسب جروح ومنها تغرف... 

يا جرح تذكره وياهو منهن تنساه...

ملح فوگ الجروح ينضاف وهو ترف...

..................................................هدير