أريد أعدد شوغاتي وياك...
وأشوف يا شوغة تردّك إليّه...
ونبدي بشوغة الـﮔـلب ولهفته...
وشوغة العين وغلات دمعته...
وشوغة نهاري وليلي ووجرته...
وشوغة شبابي وعمري المردته...
وشوغة الحنين بكل عذابه ولذته...
وشوغة ﮔـليبي اللي سحنته...
وشوغة شوﮔـي وناره وجمرته...
وشوغة الاحساس بكل محنته...
وشوغة حرماني سنين وحسرته...
وشوغة تعبي اللي وياك تعبته...
وشوغة حياتي واللي دفعته...
واسمك اللي بليلي صحته...
يا أول فرحة إلي وكل نظرته...
يا جواب كل اللي سألته...
وبداية طريقي اللي عبرته...
وكل كلامك اللي سمعته...
وعذرك اللي للنهاية فسرته...
آه و ﭼـم آه صحت وباسمك ندهته...
شحـﭼـي وشـﮔـول وانت غربته...
وباحضانك أوطاني وعمري إلك نذرته...
...................................................هدير
ليست هناك تعليقات:
إرسال تعليق