أنا الإنسان
اللي مش إنسان
أنا طول الدنيا
وعرضها ..
أنا الملاك
وأنا الشيطان
أنا كل حاجه
عكس بعضها ..
أنا الوفا
والإخلاص
وأنا كل الغدر
و الخيانه ..
انا الخير
اللي ف قلوب الناس
وانا العيون
اللي ب الشر مليانه ..
أنا الأسامي
والمعاني والأجناس
وانا الضياع
والألوان البهتانه ..
أنا الورقه والقلم
والإحساس
وأنا الأيام
والسنين الهربانه ..
أنا الميعاد
والميلاد والأعداد
وأنا الأصفار
اللي بتسد خانة ..
انا الفعل والفاعل
والمفعول
وأنا التمنّي والتعجُب
وخبر كانَ ..
=============
ليست هناك تعليقات:
إرسال تعليق