مولاى ..
ان اللى عدا اكيد
كان اجمل م اللى جاى
و الالف ليله اللى اتحكت
قصه
وليله جايه بتسعميت قصه
والعمر فات
والحلم فات
و اللى اتحكى كان
ذكريات
عن حد حب ..
وحد خان
او حد دور فى الحياه
عن ميت طريق
يوصله للكنز
ولباب المدينه
وباب ست البنات
اما اللى جاى
مولاى
لو كنت هاحكيلك عليه
كان يبقى سيافك
على باب الكتاب ..
ينهى الحكايه كلها
ولايبقى فيها شهريار
او شهر زاد
....
حسن بعيله
ليست هناك تعليقات:
إرسال تعليق