معقول ياقلبي ....!!!
دي أخرة صبري. .
سهاك نسر و خطفك مني
و كمان واقف هنا يشاورلي
بيقول شفتي ازاي حبيتي
بعد ما خوفتي كتير وأسيتي
من همسه في لحظه سلمتي
صبرك بس عليا ياقلبي
هاخد منه و منك حقي
هأسي عليك علي أد ماهقدر
و اخفي شوقي و وجدي و أكتر
كل مكان يجمعني انا بيه
ههرب منه و مش هراعيه
شوف مين فينا كتير يتعذب
أنا و لا أنت بس ياقلبي
كنت في حضني بحاجي عليك
م الشوق و القسوه أنا بحميك
خفت لتبكي ف يوم لياليك
و لا ضي هيواسي عينيك
أخترت أنت بأيدك بعدي
جالك يوم و أنا هنت عليك
رحت معاه من غير ما تقولي
بعت سنيني و حبيته دوغري
أشرب بقي من كاسه وقولي
إن كان شهده هيساوي مره
يبقي حلال العشق عليك
بس أنا عارفه الهوى و عذابه
شفت جراحه بين أحبابه
شفت عيون ما بقتش عيون
فيها الحزن وفيها هموم
شفت العمر أزاي بيهون
فدى لحظة عمرها ما تكون
أسمع مني خايفه عليك
اللي هويته هيأسي عليك
وترجع تبكي شوق. لياليك
و هيشمت فيا عوزالي
قولي ساعتها اعملك ايه
حس بخوفي مره عليك
طب هاتهولي هنا بايديك
و انا هسأله من غير ما يخبي
إن كان حبك شيله ف عينيك
بقلم
سميه القصر سميه القيصر
ليست هناك تعليقات:
إرسال تعليق