بعدني اتنطر...هدير الجواهري أم تقي

اسم الله على حالك حبيبي...

آني حالي من بعدك أكثر...

أگول للگلب شوية ويرجع...

يگولي عالفراگ بعد ما أصبر...

امشي نروح نگعد يمه شوية...

وبشوفته تشفه الروح وتتكبر...

ومن أوصل يمه أعلن العصيان...

وما ارجع واگول أبقه طول العمر...

هو روحي وعمري وسنيني...

أغلى غالي عندي وبكل البشر...

ما اشوف بعيوني من دونه...

أمسى هو لعيوني النظر...

هو كلي وروحي وحياتي...

هو خيال وحقيقة وكل الصور...

انت حبيبي علمتني الهوى...

وعلمتني فنون الحب والعِبر...

اللي نتعلمها من حبنا وعشگنا...

وشلون بريحة العشگ اسكر...

انت غيرتني وخليتني أحبك...

غيرت عندي الأفكار من الجذر...

حبيتك ويوم بعد يوم يزيد الجنون...

وأگول بلكت انسى شوية وما أگدر...

وقبلت شوية اتناسى والتهي عنك...

ألگاني أرجع بيك اسولف وافكر...

وتتراوالي گبال عيني گاعد وياي...

واحاچيك براحتي بلايا قيود وحذر...

وأگولك احبك حيل كلش حيل...

تعال كافي بعيد وآني متحير...

خليني اشبع من حبك وحنانك...

عيوني دمع عليك كل يوم تمطر...

واني اصبرها وأگولها ما بقه شي...

تجاوبني وتگولي كل يوم آني اسهر...

وتگوليلي ما بقه شي وهسة يرجع...

لا هو يرجع ولا آني ابطل واعذر...

وهاي بعدني گاعدة انتظر اي كلمة...

تطمني عليك حبيبي وبعدني اتنطر...

.....................................................هدير