صباح رايق بيدلع
يقيد ف شموعه
من شمسه
صباح ماشى
بيتعاجب
بضحكة حلوة
تملا الكون
صباح بشقاوة
الاطفال
وضحكتها بتملا
الدار
صباح بزقزقة
عصفور
بيفرح ويا شق النور
صباح يفرد بقلبه
الخير
على كل الخلايق
ورد
صباح بيرسم
الضحكة
على وش اليتيم
ف الفجر
صباح الدعوة
من امى
بتفتح كل سكة
ودرب
صباح للناس
يجمعها
ف اشغالها يزيد
الخير
صباح طالل
من الشباك
ف نظرة شابة
ملهوفة بتستنى
حبيبها يهل
وبالبسمة
تقوله يا صباح الفل
صباح الخير على
بلدى على ولدى
على امة ربيعها
يهل
صباح باتمنى يتلكك
ويرمى ضحكته
ع الكل
صباح يحضن
بقلبه النور
ويرمى شباكه
يخرج رزق
صباح يبدر
نسايم خير
تخضر ارض
تطرح ورد
صباح بالضحكة
يملانا يفرحنا
بفرحة شقية
تمحى الدمعة
من عالخد
صباح واخد
ف احضانه
احلامنا وامالنا
وحالف يحققها
لنا بجد
صباح ماشى
بيتغندر ويتدلع
ويبدر ع الخلايق
ورد
ليست هناك تعليقات:
إرسال تعليق