وظيفة زيها زي غيرها
وغيرها مش أقل منها
ولا ال شاغلها معاه حصانة
ع الحق اذا جار نتغافلها
صحافة كتر ألف خيرها
خدت كتير فوق حقها
والحق لينا نجيب آخرها
لما الكلام بقى مش كلام
والحق مالهوش اهتمام
ولا عادش فيه أي احترام
غير للي عامل نفسه مِنها
إن كان محَقق أو مُحَرِّر
أو مُحَلِّل وَللا ناشِر
والله لو كان حتى ساعي
دام بالأدب هاتشيله روسنا
وغير كده راح يبقى سافِر
والكل منه حقيقي نافِر
الله على زمن الأصالة
ذكراه تبكينا بحرارة
والدمع م العين وبغزارة
نازل وگتر ألف خيرها
ويقولوا قال صاحبة جلالة
ويجيبوا سيرتها استحالة
أصل القلم قادر قوي
يقلب قوي الدنيا بحالها
بس القلم ده ليه احترامه
وليه مكانة أكيد وعالية
والحرف أغلى بجد منك
ياللي رضيت ليه المَهانة
كتير من اللي بينتمولها
واكِل ياعالم بَس خيرها
وتملي بافعاله المُشينة
وبوَقاحته أكيد عارِرها !! ...
ليست هناك تعليقات:
إرسال تعليق